ARPort SafetyVR · ЖҚҚ қолдану
ЖҚҚ қолдануға арналған VR-тренажёр
Виртуалды ортада жеке қорғаныш құралдарын таңдауды, тексеруді және қолдануды пысықтаңыз. Қазір «Басты қорғау» модулі қолжетімді: жұмыс жағдайына сай каска таңдау, тексеру, дұрыс кию және сақтау.
Қорғаныстың басқа түрлері — жақында.
Білім алушы виртуалды ортада жұмыс істейді, ал оқытушы сабақты басқарып, нәтижелерін көреді.
Білім алушы қандай дағдыларды пысықтайды
Қолжетімді модуль: «Басты қорғау».
Қорғаныш түрін таңдау
Берілген жағдайлар мен қауіптерге сай каска таңдау.
Таңбалануын тексеру
Касканың мақсаты мен сипаттамаларын тапсырмамен салыстыру.
Зақымдарды анықтау
Корпусты, ішкі жабдықты және бекіткіштерді тексеру.
Пайдалану мерзімін тексеру
Касканың пайдалану мерзімі аяқталмағанына көз жеткізу.
Касканы дұрыс кию
Касканың қалпын түзету, бауын тағу және айнадан тексеру.
Сақтауды ұйымдастыру
Пайдаланғаннан кейін касканы ЖҚҚ сақтауға арналған шкафқа қою.
Тренажёрдағы тапсырмалар мен жағдайлар
Каска таңдау
Механикалық, электрлік, жылулық және химиялық әсерлерден, биіктікте немесе төмен температурада жұмыс істеуге арналған қорғаныш құралын таңдау.
Таңбалану және пайдалану мерзімі
Таңбалануы бойынша мақсатын, сипаттамаларын және пайдалану мерзімін бағалау.
Тексеру және жарамсызын анықтау
Жарықтарды, түсінің оңуын, ішкі жабдық пен бекіткіштердің зақымдарын анықтау.
Кию және тексеру
Касканың қалпы мен иек бауын айнадан тексеріп, кейін жұмысқа дайындықты растау.
Тренажёрдың жұмысын көріңіз
Демо-бейнедегі тренажёр интерфейсі орыс тілінде.
Сабақ қалай өтеді
Тренажёр мен оның параметрлерін таңдау
Оқытушы тренажёрды, сценарийді, режимді — үйрену, жаттығу, емтихан немесе стресс — және тапсырманың қолжетімді параметрлерін таңдайды.
Виртуалды ортада дағдыларды пысықтау
Білім алушы виртуалды ортада тапсырмаларды орындап, қауіпсіз әрекеттерді пысықтайды және тәуекелдерді бағалайды. Үйрену және жаттығу режимдерінде дұрыс, қате және өткізіп алған әрекеттері үшін балл түрінде кері байланыс алады.
Нәтижелерді қарап, қателерді талдау
Орындағаннан кейін ненің дұрыс, ненің қате жасалғаны немесе өткізіліп алғаны және нені жақсарту керегі көрінеді. Қажет болса, сценарийді қайта өтуге болады.
Сабаққа бүкіл топ қатысады
VR-дегі көріністі үлкен экранға шығаруға болады. Қатысушылар әрекеттерді бақылап, шешімдерді талқылайды және жағдайды шлем киген адаммен бірге бастан өткереді.
Нәтижелер балдармен және түсіндірмелермен бірге сақталады; өту тарихын жүктеп, өзгерісін бақылауға болады.
Оқыту мақсатына сай баптаулар
Оқытушы сабақ режимі мен тапсырманың қолжетімді параметрлерін таңдап, кейін нәтижелерді білім алушымен бірге талдайды.
Өту режимі
Сабақ мақсатына қарай үйрену, жаттығу, емтихан немесе стресс режимін таңдаңыз. Алдымен қауіпсіз әрекеттерді меңгеріп, кейін өз бетінше орындауға және дағдыларды тексеруге көшіңіз.
ЖҚҚ қолдану жағдайлары
Қорғаныш түрін таңдаңыз: механикалық, электрлік, жылулық немесе химиялық әсерлер, биіктіктегі жұмыс не төмен температура. Сценарийді басқа тапсырмамен қайталаңыз.
Кері байланыс және қателерді талдау
Үйрену және жаттығу режимдерінде қатысушы дұрыс, қате және өткізіп алған операциялары үшін балл алады. Аяқтағаннан кейін шешімдердің ретін талдап, тапсырманы қайталауға болады.
Нәтижелер балдармен және түсіндірмелермен бірге сақталады. Өту тарихын жүктеп, өзгерісін салыстыруға болады, ал VR көрінісін көрсету талқылауға бүкіл топты қосуға көмектеседі.
Қазақстанда қауіпсіздікке практикалық оқыту
Виртуалды тапсырмаларды ұйымыңыздың оқыту бағдарламасына теориямен және нақты ЖҚҚ қолданылатын жаттығулармен бірге қосыңыз. Оқытушы жұмыс жағдайлары мен қолданыстағы талаптарды ескеріп, сабақ тәртібін анықтайды.
Оқыту бағдарламасындағы виртуалды ортаның орны
Виртуалды ортада (VR)
Жұмыс жағдайына сай каска таңдауды, оның жарамдылығы мен таңбалануын тексеруді, дұрыс киюді және сақтауға қоюды үйреніңіз. Виртуалды сценарий жұмыс аймағына шықпай тұрып қателерді байқауға көмектеседі.
Нақты жабдықпен
Нақты касканы тексеру, реттеу және кию дағдылары өндіруші нұсқаулығын ескере отырып, оқытушының жетекшілігімен тәжірибеде бекітіледі.
VR мен нақты тәжірибе бірін-бірі толықтырады.
Тренажёр кімдерге арналған
Кәсіпорындар
Қызметкерлерді басты қорғау құралдарын дұрыс таңдауға, тексеруге, қолдануға және сақтауға үйрету.
Оқу орталықтары
Қауіпсіздікке оқыту бағдарламаларының практикалық бөлігі үшін: қатысушы VR-де жағдайдан өтеді, оқытушы сабақты басқарады, ал топ трансляция мен кейінгі талқылауға қатысады.
ЖОО мен колледждер
Студенттерді кәсіби даярлау, өндірістік тәжірибе алдында қауіпсіз әрекеттер мен тәуекелдерді бағалауды пысықтау үшін. VR сценарийді нақты қауіп тудырмай қайталауға мүмкіндік береді.
VR-тренажёрды пайдалану талаптары
Бос аймақ
Кемінде 2 × 2 м (4 м²), мүмкіндігінше кеңірек. Қосымша орын білім алушының еркін қозғалуына және виртуалды ортаға тереңірек енуіне көмектеседі.
Wi-Fi
Құрылғылардың байланысы мен бейнені көрсету үшін VR-шлем мен оқытушы планшеті бір Wi-Fi желісінде болуы керек. Ең қарапайым нұсқа — смартфоннан Wi-Fi мен интернет тарату.
Интернет
Орнатылған тренажёрдан өту үшін тұрақты интернет қажет емес. Ол бағдарламаны жаңарту және өту нәтижелерінің журналдарын жүктеу үшін керек.
Жеткізу нұсқалары
Жеке тренажёр
Таңдалған VR-тренажёрдың бағдарламалық жасақтамасы. Жабдықтың үйлесімділігін моделі бойынша тексереміз. Бірнеше тренажёр қажет болса, жиынтықты қарастырған тиімді.
Жиынтық құрамында
- бірнеше VR-тренажёрдың бағдарламалық жасақтамасы
- дербес VR-шлем
- оқытушы планшеті — қосымша опция
Бірнеше тренажёрдан тұратын жиынтық сол тренажёрларды жеке сатып алғаннан арзанырақ.
Тренажёр туралы сұрақтар
Тұрақты интернет қажет пе?
Жоқ. Тренажёрдан өту үшін қажет емес. Интернет бағдарламаны жаңарту және нәтижелер журналдарын бұлтқа жүктеу үшін керек.
Қолда бар VR-шлемді пайдалануға бола ма?
Иә, егер модель ARPort SafetyVR-мен үйлесімді болса. Шлем моделін жіберіңіз — үйлесімділігін тексереміз.
Оқу кезінде әрекеттің дұрыс не қате екенін қалай білуге болады?
Өту барысында білім алушы әрекеті, әрекетсіздігі немесе қате әрекеті үшін балл түрінде кері байланыс алады.
Өткеннен кейін не сақталады?
Әрекеттер мен әрекетсіздік бойынша балдар мен түсіндірмелер, уақыт және өту тарихы сақталады. Нәтижелер бұлтқа жүктеліп, өзгерісін талдауға қолжетімді болады. Трансляция көрсетілетін компьютерде өту барысының бейнежазбасын да сақтауға болады.
Баға мен демо-қолжетімділікті қалай алуға болады?
Өтінім қалдырыңыз: міндетіңізді, жиынтық құрамын, бағасын және демо-қолжетімділік мүмкіндігін нақтылаймыз.
Сабағыңызға сай шешім таңдаймыз
Ұйымыңызды, қалаңызды, оқыту міндеттерін және қолда бар VR-жабдықты көрсетіңіз — тренажёр мен сәйкес жиынтық бойынша ұсыныс дайындаймыз.
Демо-қолжетімділікті де сұратуға болады.
