ARPORT SAFETYVR · ТҰЙЫҚ КЕҢІСТІКТЕГІ ЖҰМЫСТАР
Тұйық кеңістіктегі жұмыстарға арналған VR‑тренажер
Газ қауіпті жұмыстарды виртуалды ортада жаттықтырыңыз: жағдайды бағалау, ЖҚҚ таңдау, жұмыс аймағын дайындау және зардап шегушіні құтқару кезіндегі әрекеттер.
Тренажерде қандай дағдылар жаттықтырылады
Тәуекелдерді бағалау
Жұмыс аймағын қарап, қауіптерді анықтау және әрекеттердің қауіпсіз ретін таңдау.
Жұмыс аймағын дайындау
Тапсырманы бастамас бұрын анықталған қауіптерді жою немесе олардан аулақ болу.
ЖҚҚ таңдау
Газ қауіпті жұмыс жағдайына сай жеке қорғаныш құралдарын таңдау.
Жабдықты пайдалану
Виртуалды сценарийде газталдағышты, газқағарды және баспалдақты қолдануды жаттықтыру.
Әріптеспен әрекеттесу
Әріптесті шақыру және құтқару үштағанымен жұмыс істеуге дайындалу.
Зардап шегушіні құтқару
Тұйық кеңістіктен адамды құтқару үшін құтқару үштағанын қолдануды жаттықтыру.
Тренажердің жұмысын көріңіз
Тренажердегі көріністі қараңыз. Қазақ тіліндегі тапсырмалармен танысу үшін демо нұсқасын сұраңыз.
Сабақ қалай өтеді
Сценарий мен режимді таңдау
Оқытушы тренажерді, сценарийді, режимді — оқыту, жаттығу, емтихан немесе стресс — және тапсырманың қолжетімді параметрлерін таңдайды.
VR сценарийін орындау
Қатысушы шынайы жағдайға ұқсас виртуалды ортада тапсырманы орындайды. Оқыту және жаттығу режимдерінде дұрыс, қате және орындалмаған әрекеттер бойынша ұпайлар мен кері байланыс алады.
Нәтижелерді талдау
Жаттығудан кейін дұрыс, қате және орындалмаған әрекеттерді қарап, нені жақсартуға болатынын талдауға болады. Қажет болса сценарий қайталанады.
Сабаққа бүкіл топ қатысады
VR көрінісін үлкен экранға шығаруға болады. Топ қатысушының әрекеттерін бақылап, шешімдерін талқылайды және жағдайды бірге талдайды.
Нәтижелер ұпайлармен және түсіндірмелермен бірге сақталады. Жаттығу тарихын жүктеп алып, уақыт өте келе өзгерістерді бақылауға болады.
Оқыту тілдері
Тобыңызға қолайлы тілде оқытыңыз
Сабақты қазақ немесе орыс тілінде өткізіңіз. ARPort SafetyVR жүйесінде барлығы бес тіл қолжетімді:
Ұйымыңызға арналған жинақты таңдағанда қажетті оқыту тілдерін көрсетіңіз.
Жинақты таңдау →
Қазақстанда газ қауіпті жұмыстарға оқыту
Виртуалды тапсырмаларды ұйымыңыздың оқыту бағдарламасына теориямен және нақты ЖҚҚ қолданылатын жаттығулармен бірге қосыңыз. Оқытушы жұмыс жағдайлары мен қолданыстағы талаптарды ескеріп, сабақ тәртібін анықтайды.
Оқыту бағдарламасындағы VR орны
Виртуалды ортада
Қалыпты және апаттық жағдайларда тәуекелдерді бағалауды, ЖҚҚ таңдауды және әрекеттердің ретін жаттықтыру. Тапсырмаларды қайталап, оқытушымен бірге талдауға болады.
Нақты жабдықпен
Оқытушының басшылығымен газталдағышты, қорғаныш құралдарын және құтқару жабдығын қолдануды жаттықтыру. VR нақты құралдармен сабақтарды толықтырады.
Тренажер кімдерге арналған
Кәсіпорындар
Нақты қауіпті жағдайды қайталамай, қызметкерлерді газ қауіпті жұмыстарға және тұйық кеңістіктегі әрекеттерге дайындау.
Оқу орталықтары
Қауіпсіздік бойынша практикалық сабақтар: оқытушы сценарийді басқарады, қатысушы VR ортасында жаттығады, ал топ экрандағы көрініс пен талдау арқылы қатысады.
Жоғары оқу орындары мен колледждер
Техникалық және өндірістік мамандық студенттерін қауіптермен, жабдықпен және қауіпсіз жұмыс ретімен таныстыру.
VR-тренажерді пайдалану талаптары
Бос кеңістік
Кемінде 2 × 2 м (4 м²), мүмкіндігінше кеңірек орын қажет. Қосымша кеңістік қатысушының еркін қозғалуына және виртуалды ортаға тереңірек енуіне мүмкіндік береді.
Wi-Fi
Құрылғылардың байланысы және көріністі экранға шығару үшін VR көзілдірігі мен оқытушының планшеті бір Wi-Fi желісіне қосылуы керек. Ең қарапайым нұсқа — смартфонның кіру нүктесін пайдалану.
Интернет
Орнатылған тренажерде жаттығу үшін тұрақты интернет қажет емес. Интернет бағдарламаны жаңарту және жаттығу нәтижелерін жүктеп жіберу үшін керек.
Жеткізу нұсқалары
Жеке тренажер
Таңдалған VR-тренажердің бағдарламалық жасақтамасы. Жабдықтың үйлесімділігін моделіне қарай тексереміз. Бірнеше тренажер қажет болса, жинақ алған тиімдірек.
Жинақ құрамында
- бірнеше VR-тренажердің бағдарламалық жасақтамасы
- дербес VR көзілдірігі
- оқытушының планшеті — қосымша опция
Бірнеше тренажерден тұратын жинақ сол тренажерлерді жеке-жеке сатып алғаннан арзанырақ.
Тренажер туралы сұрақтар
Тұрақты интернет қажет пе?
Жоқ. Жаттығу үшін тұрақты интернет қажет емес. Интернет тренажер бағдарламасын жаңарту және нәтижелерді бұлтқа жүктеу үшін керек.
Қолда бар VR көзілдірігін пайдалануға бола ма?
Иә, егер оның моделі ARPort SafetyVR жүйесімен үйлесімді болса. Сұрау жіберіп, көзілдіріктің моделін көрсетіңіз — үйлесімділігін тексереміз.
Жаттығу кезінде әрекеттің дұрыстығын қалай білуге болады?
Жаттығу барысында қатысушы орындаған, орындамаған немесе қате орындаған әрекеттері үшін ұпай түрінде кері байланыс алады.
Жаттығудан кейін не сақталады?
Ұпайлар, орындалған және орындалмаған әрекеттердің түсіндірмелері, уақыт және жаттығу тарихы сақталады. Нәтижелер бұлтқа жүктеліп, өзгерістерді талдауға қолжетімді болады. Көріністі экранға шығаратын компьютерде жаттығудың бейнежазбасын да сақтауға болады.
Бағасын және демо нұсқасын қалай алуға болады?
Сұрау жіберіңіз: міндетіңізді, жинақ құрамын, бағасын және демо нұсқасына қолжетімділікті нақтылаймыз.
